سياسة الخصوصية لتطبيق عين الأذكار

آخر تحديث: ٥ نوفمبر ٢٠٢٦

تطبيق عين الأذكار من عين فيجن. التطبيق مفيهوش حسابات ولا إعلانات ولا أدوات تتبع، وإحنا مابنجمعش بياناتك الشخصية ولا بنخزنها على أي سيرفر.

الموقع

لو سمحت للتطبيق بالموقع، بيتستخدم على جهازك بس لحساب اتجاه القبلة ومواقيت الصلاة، ومابيتبعتش لنا ولا لأي جهة.

الميكروفون والتعرف على الكلام

الميكروفون بيشتغل بس لما تضغط الزرار وتقول جملة «أنا في العربية». التعرف على الكلام بتعمله خدمة نظام التشغيل في جهازك (جوجل على أندرويد وابل على الايفون)، وممكن الخدمة دي تعالج الصوت حسب سياسة الشركة المصنعة. التطبيق نفسه مابيسجلش الصوت ولا بيحفظه.

البلوتوث

بيتستخدم بس عشان يطلب من النظام تشغيل البلوتوث لما تختار وضع العربية.

التلاوات والأذكار المسموعة

التلاوات والأذكار الصوتية بتتحمل من خوادم مزودي المحتوى لما تشغلها. الخوادم دي بتشوف عنوان الإنترنت بتاعك زي أي موقع عادي، ومابنبعتلهاش أي بيانات تانية عنك.

البيانات على الجهاز

إعداداتك وعلامات المصحف وعداد التسبيح محفوظين على جهازك بس، ولو ربطت ساعة ذكية بتتنقل مواقيت الصلاة وعدادك بين الموبايل والساعة مباشرة. ولما تمسح التطبيق كل ده بيتمسح.

الأطفال

التطبيق مابيجمعش أي بيانات من أي حد، بما في ذلك الأطفال.

التواصل

لأي سؤال: ouf5000@gmail.com